မၢၼ်ႈတင်းလၢဝ်းတေႁူမ်ႈၵၼ် သၢင်ႈၶူဝ်ၶၢမ်ႈမႄႈၼမ်ႉၶွင်

ၸဝ်ႈၼႃႈတီႈလူင်ပွင်ၸိုင်ႈမၢၼ်ႈ တင်းလၢဝ်းဢုပ်ႇဢူဝ်း ၵၼ် တူၵ်းလူင်းတေသၢင်ႈၶူဝ်ၶၢမ်ႈမႄႈၼမ်ႉၶွင် ပွတ်းၵဵင်းလၢပ်ႈ လႄႈၵဵင်းၵူၵ်း မိူင်းလၢဝ်း။

မႄႈၼမ်ႉၶွင်

ၽိုၼ်ၶၢဝ်ႇဝဵင်းၸၼ်ထၢႆႊမ်ၶွင်လၢဝ်း ဝၼ်းထိ 14/01/13 ဢွၵ်ႇၵႂႃႇဝႃႈ- လၢဝ်းတင်းမၢၼ်ႈတူၵ်းလူင်းၵၼ် ပိူဝ်ႈတႃႇၵေႃႇ သၢင်ႈၶူဝ်ၶၢမ်ႈ မႄႈၼမ်ႉၶွင် တႄႇၼႂ်းလိူၼ်ၼႃႈ (ၾႅပ်ႊၿိဝ်ႊရီႊ)ၼႆႉၵႂႃႇ၊ တၢင်းယၢဝ်းၶူဝ် 660 မီႊတိူဝ်ႊ၊ ဢွင်ႈတီႈၼႂ်း ၵႄႈၵၢင် ၵဵင်းၵူၵ်း ၼႂ်းၸႄႈတွၼ်ႈလူင်ၼမ်ႉထႃး မိူင်းလၢဝ်းလႄႈ ၵဵင်းလၢပ်ႈ ၸႄႈတွၼ်ႈတႃႈၶီႈလဵၵ်းမိူင်းတႆး။

ပိူဝ်ႈတႃႇၵေႃႇသၢင်ႈၶူဝ်ၼႆႉ တင်းသွင်ၾၢႆႇ လႆႈတူၵ်းလူင်းၵၼ်ဝႆႉ ၸဵမ်မိူဝ်ႈပီဢွၼ် (2011)။ ၵူၺ်းၵႃႈ လႆႈမႃးဢုပ်ႇႁူဝ် ယွႆႈမၼ်း မိူဝ်ႈႁူဝ်လိူၼ်ၵျႅၼ်ႊၼိဝ်ႊရီႊ (2013)ၼႆႉၵူၺ်း၊ ယူႇတီႈလၢဝ်း ပွႆႇတူဝ်တႅၼ်းမႃး ဢုပ်ႇၵၼ်တီႈမိူင်းမၢၼ်ႈ ၼႂ်းၵႄႈဝၼ်းထိ 08-10/01/13 ။ ၵူၺ်းၵႃႈ ဢမ်ႇလၢတ်ႈပႃးဝႃႈ တေသၢင်ႈယဝ်ႉ မိူဝ်ႈလႂ်ၸိူဝ်းၼႆႉ။

Source: www.Panglong.org